Strengths and Difficulties Questionnaire (SDQ) tassaavoq immersugassaq 25-nik apeqqutitalik, meeqqat marlunniit 17-inut ukiullit ajornartorsiuteqarfiusuni sisamani nalilersuifiginissaannut ineriartortinneqarsimasoq, imaralugit aallaamaneq/eqqumaffiginninnginneq, misigissutsikkut ajornartorsiutit, pissusilersornikkut ajornartorsiutit, ukioqatinut sanilliullugu ajornartorsiutit kiisalu nukittuffiit inuillu akornanniinnermi nukittussuseq.
Sulianik suliaqartut tamarmik Kalaallit Nunanni meeqqat inuusuttullu pillugit sulinerminni SDQ-mik atuisinnaapput, meeqqap inuusuttulluunniit atugaanik paasisaqarnissaq angujumallugu.
Immersugassat assigiinngitsut pingasuupput; siulleq meeqqanit inuusuttunillu aqqanilinniit 17-inut ukiulinnit immersugassaavoq, aappaat angajoqqaat meeraq pillugu apeqqutinik akiortugassaannik imaqarpoq pingajuallu ilinniartitsisunut perorsaasunullu atugassiaalluni.
Immersugassat assigiinngitsut pingasut immersukkat, meeraq pillugu paasisanik assigiinngitsunik tunniussisinnaapput taamaalillunilu meeqqap atugai tapersersuiffiginiarlugit tamakkiisuusumik isigaluni suniliuteqarnermik tunniussisoqarsinnaalissalluni.
SDQ malillugu apersuinermi immersugassaq, sulianik suliaqartartut meeqqat inuusuttullu pillugit suliaqarneranni aamma meeqqap inuusuttulluunniit atugaanik annerunerusumik paasisaqarnissaq atorfissaqartinneqaraangat atorneqartarpoq.
Immersugassaq, meeraq aqqanillit qaangerlugit ukioqarpat meeqqamit namminermit immersorneqassaaq, taamaanngippat meeqqap angajoqqaavinit immersorneqassalluni.