Ilorrisimaarniassagatta inuttullu ineriartorsinnaaniassagatta tamatta inoqatitta akornanniinnissarput pisariaqartipparput, ilaatigulli aamma kisimiinnissamik pisariaqartitsisarpugut. Oqimaaqatigiisinniagassaavorlu, kisimiippallaaraannilu kiserliortutut misigisimalertoqarsinnaavoq.
Ikinnguterpassuaqarluni allanillu nuannarineqarneq ataqqinaatitut isiginiarneqartarpoq.
Iluatsinngitsoortutut imminut nalileqqajaasinnaavutit taamatut ittumik inuuneqanngikkuit.
Inuit akornanniittarsinnaavutit sulilu kiserliortutut misigisimallutit.
Kiserliorneq
Kikkut tamarmik kiserliornermik misigisaqarsinnaapput.
Aallarniutaasumik oqaloqatigiinnissamut qinnuteqarit
Ilinniagaqarnerup nalaani kiserliorneq
Ilinniagaqarnerup ingerlanerata ilaani kiserliortutut misigisimanerusoqarsinnaavoq, assersuutigalugu:
- Ilinniarnerup aallarteqqaarnerani. Tassani immaqa illoqarfimmut allamut nuussimassaatit, ilaqutaqarpiarnak ikinnguteqarpiarnalluunniit, sulilu ilisarisimasaqalersimanak.
- Ilinniagaqarninni kinguaattoruit. Immaqa atuaqatigeqqaakkatit ilisimasarinerusatit ilagiunnaasimassavatit.
- Sulianik tuniussassanik suliaqarnerup nalaani. Ingammik tunniussassat pikkunarnerusut kisimiillutit suliarinerisigut.
- Ilaquttanik aappamilluunniit annaasaqarsimaguit imaluunniit ikinngutiginerpaasat aallarpat.
- Ulapputeqarnerillu pissutigalugu immaqa inuit akornanniinnissat tunulliussimagukku.
- Immaqa inuit akornanniinnermi annilaangalersarneq atorsinnaavat annilaangaleraangavit iluaalliortarnerit pinngitsoorumallugu kisimiikkusunnerusarlutit.
- Aappallu marluinnaavallaarnisigut.
Ulapputeqarnerillu pissutigalugu immaqa inuit akornanniinnissat tunulliussimagukku.
Ilaanni imminut pisuutinneq kiserliornermut peqqutaasarpoq. mmaqa kanngusuuteqartoqarsinnaavoq, allanillu oqaloqateqarnissaq ajornakusoortarluni. Taamaakkaanni imminut mattukkalutuinnartoqarsinnaavoq.
Kiserliorluni misigisimanermiik anillannaveersinnaavutit kiserliuleraluttuinnarlutillu. Sivisuumik taamatut misigisimagaanni, imminut nalikitsutut isigilersoqarsinnaavoq, nikallungalerluni isumakilliulerlunilu – imminullu nalikitsutut isigineq, nikallunganeq isumakilliornerlu kiserliortitsilersinnaapput.
Kiserliorneq ilinnut nanertuivallaaleriartuaartoq imaluunniit nanertuivallaalerluni ilinniarninnut akornutaalesimappat oqaloqatigisarsinnaavatsigut.
srg.dk isumassarsiorfigalugu una aallataavoq.