Piumassuseerunnermik ajornartorsiuteqaruit, taamaatullu pissuseqarnernut patsisaasunik eqqarsaateqarnissat paasiniaanissallu pingaaruteqarpoq.
Immaqa atuakkerinissamut piumassusaaruteriasaarninnut peqqutaasut arlaqarsinnaapput. Iluamik ingerlanerluni nalornisigalugu tunuarsimaartoqalersinnaavoq. Piumassuseerunnerlu allanut eqqartorsinnaajunnaarlugu.
Tamannali ajortumik ingerlanernertut isumaqartinneqartariaqanngilaq. Piumassuseqalernissannut sunniutaasinnaasunik siunnersuuteqarsinnaavugut.
Kajumissutsikkut ajornartorsiuteqarneq
Arlallit ilinniagaqarnermik nalaani atuariartornissamut angerlaallugilluunniit suliassanut piumassusaarunneq misigisarpaat.
Aallarniutaasumik oqaloqatigiinnissamut qinnuteqarit
Ilinniarfimmi
Ilaanni atuarfimmi pissutsit aalajangersimasut atuariartornissamut atuakkerinissamulluunniit piumassusikilliortissinnaavaatsit:
- Massakkorpiaq faginik soqutiginngisannik sammisaqarpit?
- Fagit aalajangersimasut faginit allanit unamminarneruppat?
- Ilinniartitsisummi?
- Atuaqatitit ilinniaqatitilluunniit qanoq attaveqarfigaagit?
- Ilinniartuungornermi eqqarsaatigisatit naatsorsuutigisatillu piviusumut naleqqiullugit allaaneruppat
Maannarpiaq qanoq inuuneqarpit?
Inuunermi pissutsit assigiinngitsut peqqutigalugit aamma piumassuseqarniarneq ajornartorsiutaasinnaavoq.
Maqaasineq
Immaqa ilaquttatit, aappat ikinngutiginerpaasalluunniit illoqarfeqatigiunnaarsimavatit. Ilaannikkullu maqaasivallaarneq peqqutigalugu ilinniagaqarnissaq tunulliuteqqajaaneqartarluni. Maluginiartassavat suna maqaasinerlugu aamma sooq ilinniakkamik naammassisaqarnissamut kissaateqarninnut suna tunngaviginerlugu.
Allat piumasaat
Ilaanni angajoqqaat ilaquttalluunnit aalajangersimasumik ilinniagaqaqqusinerat piumassuseerunnermut peqqutaasarpoq. Piumassuseq namminerminiinnani avatangiisiniillunili. Tassani pingaaruteqarpoq ilisimassallugu ilikkassallugulu nammineq suna piumasarinerlugu. Ilaquttanik pakatsisitsissagaluaraanniluunniit.
Suliarisariaqakkat
Inuunermi allannguutit annertuut pisimasullu sakkortuumik sunniuteqartut misigisimagaanni piumassuseeruttoqarsinnaavoq, atuarfimmilu suliassanut nukissaqaqqilissagaanni tamakku suliareqqaartariaqartarput.
Piumassuseerussimaneq ilinniakkanut tunngasumik nalorninermik nassataqarsinnaavoq, piumassuseerussimanerilli kukkullutit ilinniakkamik toqqaasimanernik isumaqartariaqanngilaq.
Assersuutigalugu imminut imatut aperisinnaavutit:
- Sooq ilinniakkamut uunga qinnuteqarpunga?
- Sooq pissanganartissimavara?
- Takorluukkakka allanngorsimappat, imaluunniit suli una anguniarusuppara?
- Arlaannik ilinniarfimmi inuuninniluunniit piumassutsinnik maannakkorpiaq ”assersuisoqarpa”?
- Siunissamut pilersaarutikkaa suuppat?
Oqaloqateqartarit
Qanoq innerit pillugu allamik oqaloqateqartarnissat pingaaruteqarpoq. Ilaquttat ikinngutillu tassani iluaqutigilluarsinnaavatit, kisianni ilinniartunik aqqutissiuussisoq aamma oqaloqatigisarsinnaavat. Ilinniarnertunut Siunnersuisarfik aamma attaveqarfigisinnaavat siunnersuisartuttalu ilaat oqaloqatigalugu.
Piumassuseqarnerit maannarpiaq inuunerisannut attuumassuteqarnersoq, qanorlu ilillutit ingerlariaqqissinnaanerit misissorsinnaavarput.
srg.dk isumassarsiorfigalugu una allataavoq.