Tamanna pisarpoq toqusoqartillugu, perululluni napparsimasoqartilugu, angajoqqaat avippata namminerluunniit avissimagaanni. Taakkua tamarmik annaasaqarnernik aliasunnernillu imaqarput.
Annaasaqarneq aliasunnerlu
Qanigisamik inuunermi pingaarutilimmik annaasaqarneq misigissutsitigut artornartuuvoq.
Aallarniutaasumik oqaloqatigiinnissamut qinnuteqarit
Nalunngilluagaq peeruppat
Pisoq ataaseq peqqutigalugu inuuneq allanngortinneqarpat, inuunermilu toqqissisimaneq tassanngaannartumik allanngorpat, inuuninni arlalippassuartigut qajannartutut misigisinnaavutit.
Misigissutsinik sakkortuunik akerleriittunik paatsiveerusimaarnartunik sunnertittoqarsinnaavoq. Ukkuninnganniik pisinnaapput:
- Nikallunganeq aliasunnerlu
- Kamanneq
- Maqaasineq kipisanerlu.
- Anniarneq
- Imminut pisuutinneq
- Oqiliallanneq
- Aarlerineq ernumanerlu
- Isumatsanneq
- Imaqanngitsutut misigisimaneq
- Isumassaarunneq
- Isumassaarunneq
Ilinniagarmi?
Siunissami toqqissisimasumik inuuneqaleqqilernissat aallaqqaammut takujuminaatsissinnaassavat.
Ilinniagaqarnerni eqqarsarluarsinnaajunnaarlutit, eqqaamaniarnerillu aamma pissusissamisuunngitsoq malugisinnaassavat. Immaqalu ataatsimut isiginnissinnaanerit ajornakusoornerulissaaq.
Annaasaqarneq aliasunnerlu assigiinngitsumik atorneqartarput. Inuit ilaat iparaasarput, ulluinnarnilu piumasaqaatinut malinnaasinnaajunnaarallarneq akueralugu. Allat misigissutsinik ajattuisarput assigiinngitsorpassuarnik sammisaqarniarnermikkut. Immaqalu taakkua paarlakaattumik atorneqartarput.
Qisuariarnissamut imminut piffissalerlutillu periarfissigit
Misigissutsit qaffakaasut inissaqartinnissaat allanullu oqaluttuarinissaat pingaaruteqarpoq. Qanoq pisoqarsimanerata, annaasap suunerata, qanoq annernartigisutut misiginerata nassuerutiginissaa, kiisalu qiallutillu aliasuutivit qanigisannut oqaluuserinissaa matumani pingaaruteqarpoq.
Aliasunneq katsorsaataavoq, aliasunnikkullu annaasaqarneq oqiliartuaartarpoq. Inuit ilaasa aliasunneq annertuutut annernarluinnartutullu malugigaangamikku misigiumanagu avaqqutaartarpaat. Immaqalu kisimiinniarsarilersarput, tassanilu misigissutsit artornartut iluminni alliartortissinnaavaat.
Misigissutsitit akuerissavatit takutillugillu. Oqalunnikkut, qianikkut, kamannikkut imaluunniit pinngorartitsillutit qalipaanikkut, taalliornikkut, nipilersornikkut allatulluunniit aniatittassavatit.
Aliasunneq misigissutsillu oqimaatsut annikilliartuaalissapput ilutigalugulu inuunermik nuannaaruteqarneq tatiginninnerlu uteqqikkiartuaalissaaq. Tamanna maqaasiunnaarnermik aliasoqqissinnaannginnermillu isumaqanngilaq. Inituallaarunnaassaarli.
Kisimiinnginnissaq pingaaruteqarpoq
Inuit ilaannut ilaquttanik, aappamik, ikinngutinillu qanigisanik aliasuummik atueqatiginninneq naammattarpoq. Ilaalli ikiorneqarnissamik kaammattorneqarnissamillu annertunerulaamik pisariaqartitsisarput. Immaqa ilaquttavit ikinngutivillu aliasunnerit inissaqartippianngilaat. Taamaattoqartillugulu ilinniarsimasunik ikiortissarsiornissaq pisariaqartarpoq. Taamaammat ilinniarsimasunik ikiortissarsiornissaq pisariaqartarpoq.
Ilinniartunut Siunnersuisarfimmi pisut, ajornartoorneq, eqqarsaatillu tamatuminnga aallaaveqartut oqaloqatigiissutiginissaat neqeroorutigisarparput. Misigissutsit qisuariarfiginissaannut periarfissiillutalu piffissaliivugut.
srg.dk isumassarsiorfigalugu una allataavoq.