Nakuuserneq suua?

Nakuuserneq nalinginnaasumik annikitsunnguamik aallartittarpoq piffissap ingerlanerani ajorneruleriartorluni. Nakuuserneq nammineq uninngisaannangajappoq.

Nakuusernerup suussusai tamakkiisumik assigiinngitsut arfineq marluupput:

Timikkut nakuuserneq

Timikkut nakuuserneq amerlanernit oqaaseq nakuuserneq tusaraangamikku nakuusernertut eqqarsaatigisarpaat, tamanna nakuuserfigineqartumut timikkut anniartitsillunilu takussaasunik takusassaqartitsisarmat. Assersuutigalugu ajatsineq, tilluineq imaluunniit tukkaaneq.

Tarnikkut nakuuserneq

Tarnikkut nakuuserneq nalinginnaasumik ersinnginnerusarpoq timikkut nakuusernermut sanilliullugu, tassaasinnaallunilu sakkortuumik sinnganeq, siorasaarineq, aqutsineq pinerlisamillu immikkoortinneqarneq. Tamanna aamma internetsikkuusinnaavoq kiisalu attaveqaatit digitaliusukkut.

Atoqatigiinnikkut nakuuserneq

Atoqatigiinnikkut nakuuserneq tassaavoq allap kissaatiginngisaanik atoqatigiinnermik iliuuseqarfiginninneq.

Atortutigut nakuuserneq

Atortutigut nakuuserneq tassaavoq allap pigisaanik aserorterineq imaluunniit aserorterissalluni siorasaarineq.

Aningaasaqarnikkut nakuuserneq

Aningaasaqarnikkut nakuuserneq tassaavoq pillaaniarluni aqutsiniarluniluunniit aningaasanik, nerisassanik inuunermilu pisarialinnik allanik pissarsinaveersaartitsineq.

Malersuineq

Malersuineq tassaavoq allap kissaatiginngisaanik qaninniarluni attaveqarfigalugu ajoqusersuineq.

Inuit nittartakkakkut attaveqatigiittarfii

Inuit nittartakkakkut attaveqatigiittarfii atorlugit inuk alla tarnikkut nakkarsarlugu imaluunniit kanngutsaatsuliorfigalugu. Inuit nittartakkakkut attaveqatigiittarfii atorlugit inuup allap atisaqarnani assinganik siammarterineq.

Nakuuserfigineqartut tamangajammik nakuusernerit suussusaannit assigiinngitsunik arlalinnik ataatsikkut pineqartarput.

Suliassaqarfimmi sulialittut innuttaasup nakuuserfigineqarnissaminik qanoq pinngitsuuisinnaanissaanut qanoq innersuussisinnaanerlutit uani paasisaqarnerugit.